|
13.01.25
ՀԱՄԱՅՆՔԱՅԻՆ ԱՆՑՈՒԴԱՐՁ
|
|
Ստեփանավանի մարզադպրոցում՝ հունվարի 12֊ին, ՀՖՖ Լոռու և Կոտայքի մարզերի ներկայացուցչության նախաձեռնությամբ և աջակցությամբ կազմակերպվեց տարվա առաջին միջմարզային միջոցառումը։ Լոռու, Կոտայքի և Արագածոտնու մարզերի 7 թիմերի մասնակցությամբ, ֆուտզալ խաղաց 110 երեխա, 9 խաղում արձանագրվեց 63 գոլ։ Ստեփանավանի մարզադպրոցի Լալվար Մ9 թիմը հաղթող ճանաչվեց բլից֊մրցաշարում, Օլիմպիկը նվաճեց երկրորդ տեղը։ Խաղային օրվա երկրորդ հատվածում տեղի ունեցավ ֆուտզալի #StepanavanCupU14 մրցաշարը։ Օլիմպիկը նվաճեց երկրորդ հորիզոնականը, Լալվարը՝ երրորդ։ Օլիմպիկի խաղացող Վաչիկ Բաբայանը ճանաչվեց մրցաշարի լավագույն հարձակվող, իսկ Դավիթ Հայրապետյանը՝ լավագույն պաշտպան։
|
|
|
13.01.25
ՈՒՇԱԴՐՈՒԹՅՈՒՆ
|
|
Հարգելի համաքաղաքացիներ
Տեղեկացնում ենք, որ հունվարի 15-ին՝ ժամը 08։00-18։00-ն, Ստեփանավանի հրաձգարանի տարածքում անցկացվելու է հրաձգության գործնական պարապմունք: Խնդրում ենք պահպանել զգուշավորություն:
|
|
|
12.01.25
ՍՏԵՓԱՆԱՎԱՆՈՒՄ ՄԵԿՆԱՐԿԵՑ 2025 ԹՎԱԿԱՆԻ ՁՄԵՌԱՅԻՆ ԶՈՐԱԿՈՉԸ։
|
|
«Սիրելի նորակոչիկներ, դուք այսօր համալրելու եք Հայոց բանակի շարքերը, պատվով կատարեք ձեզ վստահված կարևոր այդ առաքելությունը։ Բոլորիդ մաղթում եմ բարի և անփորձանք ծառայություն՝ խաղաղ երկնքի ներքո»,֊ Ստեփանավան համայնքի ղեկավար Արմեն Գրիգորյան։
Տեր Մամբրե քահանա Ոսկանյանի օրհնությունն ստանալուց հետո, նորակոչիկներին անփորձանք ծառայություն մաղթեցին Լոռու մարզպետի տեղակալ Գոռ Ասրյանը, մարզպետարանի այլ պաշտոնատար անձինք, ուժային կառույցների ներկայացուցիչներ, նորակոչիկների ծնողներ, հարազատներ։
|
|
|
08.01.25
ՍՏԵՓԱՆԱՎԱՆ ՀԱՄԱՅՆՔԻ ՂԵԿԱՎԱՐ ԱՐՄԵՆ ԳՐԻԳՈՐՅԱՆԻ ՈՒՂԵՐՁԸ ԱԶԳԱՅԻՆ ԱՆՎՏԱՆԳՈՒԹՅԱՆ ԾԱՌԱՅՈՒԹՅԱՆ ԱՇԽԱՏՈՂԻ ՕՐՎԱ ԿԱՊԱԿՑՈՒԹՅԱՄԲ
|
|
Ազգային անվտանգության ծառայության հարգելի՛ աշխատակիցներ
Ջերմորեն շնորհավորում եմ ձեզ մասնագիտական տոնի առթիվ: Այս օրը ևս մեկ առիթ է արժևորելու և գնահատելու մեր երկրի անվտանգության մարմինների աշխատանքն ու գործունեությունը՝ ուղղված հայրենիքի անվտանգության ապահովմանն ու ամրապնդմանը: Մեծ է ձեր ավանդը մեր պետության և հասարակության դեմ ուղղված սպառնալիքների չեզոքացման գործում: Մաղթում եմ ձեզ քաջառողջություն և ամուր կամք՝ այսուհետ ևս պատվով և մասնագիտական բազմակողմանի կարողություններով շարունակելու համար ձեզ վստահված առաքելությունը: Բարի ընթացք ձեր կարևոր գործին:
|
|
|
08.01.25
ԱՇԽԱՏԱՆՔԱՅԻՆ ՆՈՐ ՏԱՐԻՆ ՍԿՍԵԼ ԱՇԽԱՏԱՆՔՆԵՐԻ ԿՈՆԿՐԵՏ ՊԼԱՆԱՎՈՐՄԱՄԲ
|
|
Հունվարի 8-ին Ստեփանավանի համայնքապետարանում տեղի ունեցած աշխատանքային խորհրդակցության ընթացքում Ստեփանավան համայնքի ղեկավարը, ստորաբաժանումների ղեկավարներին և ոլորտային պատասխանատուներին մեկ անգամ ևս մաղթել է արդյունավետ ու բեղուն աշխատանքային տարի՝ կարևորելով հատկապես աշխատանքների ճիշտ պլանավորումը: Տարբեր բաժինների պետերի և ոլորտային պատասխանատուների հետ վերլուծելով 2024-ի աշխատանքային պատկերն ու ձեռքբերումները՝ Արմեն Գրիգորյանը հանձնարարեց գույքագրել նախորդ տարվանից փոխադրված ծրագրերը, հստակ ընդգծել 2025-ի համար նախատեսված բոլոր աշխատանքները՝ հետևողականորեն ընթացք տալով դրանց ճիշտ և ժամանակին կատարմանը:
|
|
|
31.12.24
ՍՏԵՓԱՆԱՎԱՆ ՀԱՄԱՅՆՔԻ ՂԵԿԱՎԱՐ ԱՐՄԵՆ ԳՐԻԳՈՐՅԱՆԻ ԱՄԱՆՈՐՅԱ ՇՆՈՐՀԱՎՈՐԱԿԱՆ ՈՒՂԵՐՁԸ
|
|
Սիրելի հայրենակիցներ, Ստեփանավան, Կաթնաղբյուր, Ուրասար և Արմանիս բնակավայրերի բնակիչներ Մոտենում է Նոր տարին՝ 2025 թվականը և մենք ամփոփում ենք 2024 թվականին կատարված մեր աշխատանքներն ու ձեռքբերումները: Անցնող տարին մեր համայնքի համար նշանավորվեց կարևոր բարեփոխումներով, առանցքային ծրագրերով և նոր ու հեռանկարային զարգացումներով։ Անդրադառնալով մեր ձեռքբերումներին, ուրախությամբ արձանագրում ենք Աշոտաբերդ թաղամասի վերակառուցման մեկնարկը: Պետական այս կարևորագույն ծրագրով կլուծվի երկրաշարժից հետո ժամանակավոր կացարաններում ապրող շուրջ 300 ընտանիքի կեցության հարցը: 2024-ին համայնքում իրականացվել և ավարտվել են լայնածավալ բարեկարգման աշխատանքներ, այդ թվում ճանապարհաշինություն, բազմաբնակարան շենքերի ջերմամեկուսացում, ...
Մանրամասն |
|
|
24.12.24
ՈՒՇԱԴՐՈՒԹՅՈՒՆ
|
|
Տեխնիկական խնդիրների պատճառով 24.12.2024թվականի ժամը 14.30-ին կայանալիք ավագանու նիստի ուղիղ հեռարձարկումը տեղի չի ունենա:Նիստի ավարտից հետո տեսագրությունը կտեղադրվի Ստեփանավանի համայնքապետարանի Յութուբյան ալիքում:
|
|
| 1 2 3 4 5 6 7 8 9 10 ... |