Բովանդակություն * | 1. Ստեփանավան համայնքում թափառող շներ 2. Կանաչապատման և բարեկարգման աշխատանքներ 3. Աղբահանություն Սրանք այն հարցերի մի մասն են, որոնք Ստեփանավան համայնքի ղեկավարը ներառել էր «Ստեփանավանի կոմունալ սպասարկում և բարեկարգում» ՀՈԱԿ-ի աշխատակիցների հետ փետրվարի 28-ին անցկացրած աշխատանքային խորհրդակցության օրակարգում: Ինչպես փաստեց «Ստեփանավանի կոմունալ սպասարկում և բարեկարգում» ՀՈԱԿ-ի տնօրենի ժամանակավոր պաշտոնակատար Արարատ Չերքեզյանը, քաղաքում թափառող կենդանիների (շների) ստերիլիզացման, ամլացման ծառայությունների համար փետրվարի 16-ին համապատասխան մարմնի հետ կնքվել է պայմանագիր: Ծրագիրը կիրականացվի մի քանի փուլով՝ մինչև տարեվերջ: Ստեփանավան համայնքում գարնանային աշխատանքների մեկնարկը տրված է. ոլորտային պատասխանատուներին հանձնարարվեց պատշաճ ուշադրություն դարձնել համայնքի կանաչապատման, այգիների, պուրակների և հասարակական նշանակության այլ տարածքների բարեկարգման աշխատանքներին, ինչպես նաև քաղաքում կազմակերպվող աղբահանությանը: Խորհրդակցություն անցկացվեց նաև Ստեփանավանի համայնքապետարանի աշխատակազմի ճարտարապետության և հողաշինարարության ոլորտի համապատասխան մասնագետների հետ, որտեղ անդրադարձ եղավ ոլորտում առկա խնդիրներին, աշխատանքի ընթացքում առաջ եկող հարցերին: Համայնքի ղեկավարի կողմից առաջարկվեց լուծման տարբերակներ, տրվեց կոնկրետ հանձնարարականներ: |