| Բովանդակություն * | Ստեփանավան համայնքի ղեկավարը հունվարի 30-ին անցկացրած խորհրդակցության ընթացքում հրահանգել է ավելի հետևողական լինել ձնամաքրման աշխատանքներին, վերացնել վերջին օրերի առատ տեղումների հետևանքով երթևեկի և քաղաքացիների համար առաջացած անհարմարությունները: Խորհրդակցության ընթացքում տեղակալների, խորհրդականի, աշխատակազմի քարտուղարի, բաժինների պետերի հետ կետ առ կետ անդրադաձ կատարվեց նախորդ շաբաթվա համար պլանավորված աշխատանքների ընթացքին: Նախանշվեց հաջորդ շաբաթվա աշխատանքային պատկերը: Խոսելով ընթացիկ շաբաթվա աշխատանքներից՝ պետերին հանձնարարվեց կոորդինացնել գործերը, ամրապնդել աշխատանքային համագործակցության սկզբունքները՝ աշխատանքի արդյունավետությունն ապահովելու համար: |