Բովանդակություն * | Կրթության, մշակույթի, սպորտի, առողջապահության, սոցիալական աջակցության և տուրիզմի բաժնի հետ անցկացրած խորհրդակցության ընթացքում, որին ներկա էին նաև համայնքի ղեկավարի տեղակալներն ու աշխատակազմի քարտուղարը, համայնքի ղեկավարը խոսեց ոլորտի աշխատանքների բաշխման մասին: Աշխատանքային գործընթացի ավելի համակարգված և արդյունավետ վարման համար Արմեն Գրիգորյանը հանձնարարեց կազմել աշխատանքային պլան: Առաջարկվեց խորհրդակցություններ անցակացնել նաև համայնքապետարանի ենթակայության ՀՈԱկ-ների տնօրենների հետ, ինչես նաև, պարբերաբար այցեր կազմակերպելով մշակութային օջախներ և մանկապարտեզներ, փորձել տեղում ծանոթանալ խնդիրներին, լսել առաջարկությունները, գտնել լուծման տարբերակները: Այս ամենը միտված է աշխատանքների արդյունավետ կազմակերպմանը: Անդրադառնալով սոցիալական աջակցության ոլորտին՝ համայնքի ղեկավարը հանձնարարեց պարբերաբար այցեր կազմակերպել Ստեփանավանում հաստատված արցախցիներին՝ հերթական անգամ կեցության պայմաններին ծանթանալու և կարիքները տեղում գնահատելու համար: |