Բովանդակություն * | Ստեփանավանի համայնքապետարանում նոր աշխատանքային տարին մեկնարկել է համայնքի ղեկավարի հստակ հանձնարարականներով Թիմային աշխատելաոճ, աշխատանքի հանդեպ բարձր պատասխանատվության դրսևորում, սրտացավ և նվիրված մոտեցում, կանոնակարգված աշխատանք, այս հստակ պահանջները ներկայացրեց Ստեփանավան համայնքի ղեկավար Արմեն Գրիգորյանը աշխատակազմի քարտուղարի, համայնքի ղեկավարի տեղակալների , տարբեր բաժինների պետերի ու աշխատակիցների հետ անցկացրած խորհրդակցությունների ընթացքում: Յուրաքանչյուր բաժնի հետ առանձին-առանձին քննարկվեցին ընթացիկ աշխատանքները, վեր հանվեցին և արձանագրվեցին առկա դժվարություններն ու խնդիրները, որոնց համար առաջարկվեց լուծման տարբերակներ: Համայնքի ղեկավարը կարևորեց հատկապես սեփական եկամուտների հավաքագրման աշխատանքների կազմակերպման գործընթացը: Այստեղ սրտացավ մոտեցումն ու պարտավորությունների բարեխիղճ կատարումը լինելու է ինչպես համայնքապետարանի աշխատակիցների, այնպես էլ յուրաքանչյուր քաղաքացու վերաբերմունքն իր աշխատանքին, իր համայնքին: Սրանով ամենքս մեր ներդրումը կունենանք համայնքի զարգացման պատասխանատու գործում: |