| Բովանդակություն * | Ստեփանավանի համայնքապետարանում մարտի 29-ին համայնքի ղեկավարի գլխավորությամբ և գյուղական բնակավայրերի վարչական ղեկավարների մասնակցությամբ տեղի ունեցավ խորհրդակցություն: Քննարկման հիմնական հարցը վերաբերում էր վարչական բնակավայրերի գյուղատնտեսական հողերի կադաստրային բազաների տիրապետմանը և դրանց արդյունավետ ու նպատակային նշանակությամբ օգտագործմանը: Անդրադարձ եղավ նաև սեփական եկամուտների հավաքագրման գործընթացին: Արմեն Գրիգորյանի կողմից վարչական բնակավայրերի ղեկավարներին տրվեցին հստակ հանձնարարականներ: Վերջիններս համայնքի ղեկավարին ներկայացրեցին աշխատանքի ընթացքում առաջացած հարցերն ու խնդիրները, որոնց համար առաջարկվեցին լուծման ուղիների մշակման տարբերակներ: Ստեփանավան համայնքի ղեկավարը, աշխատանքներն արագ և կոորդինացված կազմակերպելու համար վարչական բնակավայրերի ղեկավարներին հորդորեց ակտիվորեն համագործակցել համայնքապետարանի համապատասխան ոլորտի պատասխանատուների հետ: |