Ստեփանավան համայնքի ղեկավարի 11.10.2023թ. 126/1 կարգադրությամբ չորացած և շրջապատի համար վտանգ ներկայացնող, ինչպես նաև շինարարական և բարեկարգման աշխատանքներին խոչընդոտող ծառերը հաշվառելու և վտանգը կանխելու նպատակով մասնակի կամ ամբողջական ծառահատումներ կատարելու նպատակով ստեղծվել է հանձնաժողով: Հանձնաժողովի անդամների կատարած ուսումնասիրության արդյունքում պարզվել է, որ Գ. Նժդեհ փողոցի թիվ 3 բնակելի շենքի դիմացի 1 չորացած ծառը վտանգ է ներկայացնում անցորդների և ավտոմեքենաների համար և Չարենցի փողոց թիվ 137, 139 բնակելի տների դիմացի մայթերում թվով 4 ծառերը խանգարում են Չարենցի փողոցի հիմնանորոգման աշխատանքներին:
Հաշվի առնելով վերոգրյալը, հիմք ընդունելով Ստեփանավան համայնքի ղեկավարի 11.10.2023թ. 126/1 կարգադրությամբ ստեղծված հանձնաժողովի 11.10.2023թ. արձանագրությունը և ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածով Ստեփանավան համայնքի ավագանին որոշում է` 1. Թույլատրել ամբողջությամբ հատել Հայաստանի Հանրապետության Լոռու մարզի Ստեփանավան համայնքի տարածքում գտնվող թվով 5 (հինգ) ծառ: |