Ստեփանավան համայնքի ղեկավարը ստեղծում է համայնքում սոցիալապես անապահով և կյանքի դժվարին իրավիճակում հայտնված, խոցելի ընտանիքներին սոցիալական ծառայությունների տրամադրման, սոցիալական աջակցության ծառայությունների բարելավման գործընթացն ապահովող մշտական հանձնաժողով (այսուհետ` հանձնաժողով):

Հանձնաժողովի կազմում կարող են ընդգրկվել .

1) համայնքի ավագանուց՝ մինչև հինգ անդամ,

2) սոցիալական աշխատողներից՝ մինչև չորս անդամ,

3) համայնքապետարանի աշխատակազմից՝ մինչև երեք անդամ,

4) համայնքային ենթակայության կազմակերպություններից՝ մինչև երեք անդամ,

5)համայնքում գործունեություն ծավալող հասարակական կազմակերպություններից՝ մինչև յոթ անդամ,

6) համայնքում սոցիալական ծառայություններ մատուցող կառույցների ներկայացուցիչներից՝ մինչև վեց անդամ

7) համայնքի բնակիչ հանդիսացող շահագրգիռ քաղաքացիական հասարակության ներկայացուցիչներից՝ մինչև չորս անդամ։

Հանձնաժողովի կազմում ընդգրկվելու ցանկություն ունեցող հասարակական կազմակերպությունների ներկայացուցիչները և համայնքի բնակիչ հանդիսացող շահագրգիռ քաղաքացիական հասարակության ներկայացուցիչները կարող են դիմել Ստեփանավանի համայնքապետարանի աշխատակազմ կամ զանգահարել հետևյալ հեռախոսահամարին 2-22-33:

Դիմումների ընդունման վերջնաժամկետը՝ 29.11.2023թ.: