| Բովանդակություն * | Համայնքի ղեկավար Արմեն Գրիգորյանը խորհրդակցությունն սկսեց հանձնարարականով՝ մեկշաբաթյա ժամկետում համայնքապետարանի առանց բացառության բոլոր աշխատակիցները համայնքի ղեկավարին պետք է ներկայացնեն կիսամյակային աշխատանքային հաշվետվություններ: Սա նպատակ ունի աշխատանքային պարտավորությունների շրջանակներում վեր հանել, գնահատել յուրաքանչյուր աշխատողի կատարած աշխատանքը, բարեխիղճ վերաբերմունքը, ինչպես նաև արձանագրել թերացումները, հասկանալ համատեղ աշխատանքի արդյունավետությունը: Խորհրդակցության ընթացքում ամփոփվեց նախորդ շաբաթվա աշխատանքային պատկերը, առաջ եկած հարցերի ու խնդիրների լուծման համար համայնքի ղեկավարի կողմից տրվեցին հստակ ցուցումներ: |