Բովանդակություն * | Հանդիպման ընթացքում համայնքի ղեկավարի պաշտոնակատար Ա. Գրիգորյանը լսեց ՀՈԱԿ-ների տնօրենների կողմից բարձրացված հարցերը, տարեկան աշխատանքային հաշվետվությունների մասին զեկույցները:
Թիվ 1, 3, 4 և 5 մանկապարտեզների տնօրենների կողմից առաջարկություն արվեց վերանայել հաստիքացուցակները և աշխատողների դրույքաչափերը: «COVID-19» համավարակով պայմանավորված պարետի որոշման համաձայն երեխաների հաճախելիությունը սահմանփակվել է յուրաքանչյուր խմբում մինչև 12 երեխա, վարձավճարները գանձվում են ըստ երեխաների օրական հաճախելիության: Տնօրենների կողմից բարձրացվեց նաև երեխաներին տրվող սննդի հարցը, առաջարկվեց, որ տրամադրվի բանջարեղեն, մրգեր և կաթնամթերք: Թիվ 1 մանկապարտեզի տնօրենը նշեց, որ մանկապարտեզի բակում նպատակահարմար է երեխաների համար խաղահրապարակ կառուցել, կահավորելով կառուսելներով: Բարձրացվեց նաև թիվ 1, 3 և 4 մանկապարտեզներում նոր մանկական կահույքով ապահովելու հարցը:
Թիվ 4 մանկապարտեզի տնօրենը խնդրեց ցանկապատել մանկապարտեզի տարածքը և երեխաների համար բակում տեղաեդրել կառուսելներ, ինչպես նաև հնարավորության դեպքում տրամադրել տրանսպորտ երեխաների տեղաշարժը ապահովելու համար:
Համայնքի ղեկավարի պաշտոնակատարի կողմից որոշվեց ստեղծել աշխատանքային խմբեր, որոնք հաճախակի այցելությունների ընթացքում և համատեղ աշխատանքների արդյունքում լուծումներ կգտնեն բարձրացված հարցերի, խնդիրների վերաբերյալ, երկխոսության ընթացքում որոշվեց նաև հաճախակի հանդիպումներ կազմակերպել համատեղ աշխատանքի որակը և արդյունավետությունը բարձրացնելու նպատակով: |