Stepan Shahumyan

ՍՏԵՓԱՆԱՎԱՆԻ ՔԱՂԱՔԱՊԵՏԱՐԱՆ

Gerb
Hraparak
arm rus eng
Mikayel Gharakeshishyan

stepanavan.am կայքի հարգելի այցելուներ


    Ողջունում եմ Ձեզ Ստեփանավանի քաղաքապետարանի պաշտոնական կայքում, որտեղից Դուք կարող եք տեղեկատվություն ստանալ մեր համայնքի տեղական ինքնակառավարման մարմնի գործունեության վերաբերյալ, իրազեկ լինել համայնքի ղեկավարի և ավագանու կայացրած որոշումներին, Ստեփանավանում կատարվող աշխատանքների ու բարեփոխումների ընթացքին և առհասարակ քաղաքում տեղի ունեցած կարևոր իրադարձություններին ու միջոցառումներին: Հետադարձ կապի միջոցով կարող եք Ձեր հարցերը, դիտողություններն ու առաջարկություններն ուղղել մեզ` օգնելով բացահայտել համայքնում առկա խնդիրներն ու առաջարկել լուծման Ձեր տարբերակները: Մեր նպատակն է կայքի միջոցով նպաստել մասնակցային կառավարման ձևավորմանը, ապահովել քաղաքապետարանի բաց, թափանցիկ գործունեությունը և հասարակության տեղեկացված լինելու իրավունքը, քանի որ հանրության վերահսկողությունը, անշուշտ պարտավորեցնող է:

Ստեփանավանի քաղաքապետ
Միքայել Ղարաքեշիշյան

@stepanavan.am

       

Ստեփանավան համայնքապատկեր, մաս 2

ՀԱՅՐԵՆԻՔԻ ԹԵՄԱՅՈՎ ԲԱՑ ՊԱՐԱՊՄՈՒՆՔ ՍՏԵՓԱՆԱՎԱՆԻ ԹԻՎ 3 ՆՈՒՀ-ՈՒՄ

Մայիսի 20-ին Ստեփանավանի թիվ 3 ՆՈՒՀ-ի միջին խմբում անցկացվեց բաց պարապմունք`<<Արևի երկիր Հայաստանս>> խորագրով: Բաց դասին ներկա էին Ստեփանավանի ՆՈՒՀ-երի տնօրեններ և դաստիարակներ, ներկայացուցիչներ Ստեփանավանի քաղաքապետարանի աշխատակազմից, քաղաքի կրթամշակութային հաստատություններից, ինչպես նաև ԿԳՆ Կրթության ազգային ինստիտուտի Լոռու մասնաճյուղի նախադպրոցական մասնագետ Արմինե Բաղդասարյանը: Պարապմունքի մեկնարկը տրվեց Հայաստանի Հանրապետության պետական օրհներգով, որը սկզբից մինչև վերջ երգեցին 4-5 տարեկան փոքրիկները` ներկաների հետ միասին, այնուհետև դաստիարակչուհի Արիետա Միկոյանը հարցուպատասխանի միջոցով վերհանեց երեխաների գիտելիքները մեր հինավուրց հայրենիքի` Հայաստանի Հանրապետության վերաբերյալ: Փոքրիկները հանդես եկան նաև հայրենիքին նվիրված բանաստեղծությունների ու երգերի կատարմամբ:

Կարդալ ավելին






ՍՏԵՓԱՆԱՎԱՆԻ ՔԱՂԱՔԱՊԵՏ ՄԻՔԱՅԵԼ ՂԱՐԱՔԵՇԻՇՅԱՆԻ ՈՒՂԵՐՁԸ ՎԵՐՋԻՆ ԶԱՆԳԻ ԱՌԹԻՎ




ՓՈԽԱԴԱՐՁ ԱՅՑԵԼՈՒԹՅՈՒՆՆԵՐ ՔՈՒՅՐ ՔԱՂԱՔՆԵՐԻ ՄԻՋԵՎ

Աշխարհագրորեն այդքան հեռու երկու երկիր, Ֆրանսիան և Հայաստանը պատմականորեն հոգևոր կապվածություն ունեն, քանի որ երկու ժողովուրդներին մերձեցրել են համամարդկային բարձր գաղափարների արժևորումը և հումանիզմը: Դրա վառ արտահայտությունը վերջին օրերին հայոց եղեռնի հետ կապված իրադարձություններն էին, որին ամենավառ արտահայտված ձևով մասնակցեց Ֆրանսիան: Դրանից անմասն չէր մեր քույր քաղաք Դեսինը, որը իր վերաբերմունքը հայ ժողովրդի նկատմամբ դրսևորել է դեռևս 1993 թվականին, քաղաքապետարանի խորհրդի նիստում քննարկելով «Ցանկություններ Հայաստանի վիճակի շուրջը» հարցը և Դեսինի ժողովրդի կամքի արտահայտությունը ուղարկել է Ֆրանսիայի պառլամենտ, դատապարտելով ցեղասպանությունը և նորանկախ Հայաստանի շրջափակումները: Այս ամենի գիտակցումով 2015 թվականի ապրիլի 22-ին Մեծ Եղեռնի 100-ամյակին նվիրված միջոցառումներին մասնակցելու համար Երևան ժամանած Դեսինի պատվիրակությանը Զվարթնոց օդանավակայանում դիմավորեցին Ստեփանավանի քաղաքապետարանի ներկայացուցիչները: Դեսինի 10 հոգուց կազմված պատվիրակությունը գլխավորում էր քաղաքապետ Լոուրանս Ֆոտղան: Երեք օր շարունակ հյուրերի հետ քաղաքապետ Միքայել Ղարաքեշիշյանը այցելեց Հայաստանի տեսարժան վայրեր, իսկ ապրիլի 24-ին դեսինցիները մասնակցեցին Ծիծեռնակաբերդում անցկացվող միջոցառումներին: Ապրիլի 25-ին Դեսինի պատվիրակությունը և քաղաքապետ Միքայել Ղարաքեշիշյանի գլխավորած Ստեփանավանի պատվիրակությունը մեկնեցին Ֆրանսիա՝ մասնակցելու Դեսինում անցկացվող եղեռնի 100-ամյակին նվիրված միջոցառումներին:

Կարդալ ավելին



ՀԱՄԵՐԳ ՎԵՐՋԻՆ ԶԱՆԳԻ ԱՌԹԻՎ

Ստեփանավանի քաղաքապետ Միքայել Ղարաքեշիշյանը, շնորհավորելով Ստեփանավանի և տարածաշրջանի շրջանավարտներին Վերջին զանգի կապակցությամբ, բոլորին հրավիրում է տարվա երիտասարդական մայրաքաղաք Ստեփանավան` տոնական համերգի` հայ աստղերի մասնակցությամբ: Համերգը տեղի կունենա մայիսի 24-ին` ժամը 19:30-ին, Ստեփանավանի կենտրոնական հրապարակում: Համերգին ելույթ կունենան հայկական շոուբիզնեսի ներկայացուցիչներ Վրեժ Կիրակոսյանը, Սոնա Շահգելդյանը, Մասիսը, Գոհար Հովհաննիսյանը և այլոք: Սպասվում են այլ հաճելի անակնկալներ ևս: Համերգը կկայանա Ստեփանավանի քաղաքապետ Միքայել Ղարաքեշիշյանի հովանու ներքո:



ՑԵՂԱՍՊԱՆՈՒԹՅԱՆ 100-ՐԴ ՏԱՐԵԼԻՑԻՆ ՆՎԻՐՎԱԾ ՍՏԵՓԱՆԱՎԱՆՈՒՄ ԿԱՅԱՆԱԼԻՔ
ՀԱՄԱՔԱՂԱՔԱՅԻՆ ՄԻՋՈՑԱՌՈՒՄՆԵՐԻ ԺԱՄԱՆԱԿԱՑՈՒՅՑ

Ապրիլի 20-ից Ստեփանավանում մեկնարկում են Ցեղասպանության 100-րդ տարելիցին նվիրված համաքաղաքային միջոցառումները.
Ապրիլի 20-ին` ժամը 12:30-ին, Դեսինի պուրակում տեղի կունենա Ցեղասպանության 100-ամյակին նվիրված նորակերտ խաչքարի օծում և «Պահանջատեր երիտասարդություն» խորագրով միջոցառում: Նույն օրը նաև կօծվի Ցեղասպանության 100-րդ տարելիցին նվիրված մեկ այլ խաչքար Ձորագերտի կիրճում, որտեղ թուրք ասկյանրների ձեռքով դաժանորեն սպանվել են 75 հայ գերիներ:
Ապրիլի 20-ին` ժամը 14:30-ին, Ստեփանավանի մշակույթի պալատում կբացվի «Ստեփանավանը հիշում և պահանջում է» խորագրով բացառիկ ցուցահանդես, որտեղ ներկայացված են ՀՀ ազգային արխիվի լուսանկարներ և փաստաթղթեր Ջալալօղլիում Ցեղասպանությունից հետո բացված որբանոցների մասին, ինչպես նաև այլ հետաքրքիր փաստեր, Ցեղասպանությունը դատապարտող պահանջատիրական բնույթի լուսանկարներ և դեկորատիվ-կիրառական արվեստի ցուցանմուշներ, որոնց հեղինակները հիմնականում ստեփանավանցի երիտասարդներ են:
Ապրիլի 23-ին` երեկոյան 19:15-ին, 100 անգամ կղողանջեն Ստեփանավանի Սուրբ Սարգիս եկեղեցու զանգերը, կկատավի ոգեկոչման արարողություն, ապա եկեղեցու բակից կմեկնարկի ջահերով երթը դեպի Դեսինի պուրակի Ցեղասպանության զոհերի հիշատակը հավերժացնող նորաօծ խաչքար:
Ապրիլի 24-ին` ժամը 10:30-ին, Ստեփանավանի Սուրբ Սարգիս եկեղեցում Ցեղասպանության զոհերի հիշատակի համար կմատուցվի Սուրբ պատարագ, որի ավարտին կկատարվի Սրբոց հիշատակության կարգ:
Ապրիլի 24-ին, ժամը 12-ին, պահանջատիրական երթ եկեղեցուց դեպի Ցեղասպանության 100-ամյակին նվիրված նորաօծ խաչքար և պսակադրություն անմեղ զոհերի հիշատակը հավերժացնող խաչքարին: Կլինեն նաև թեմատիկ ֆիլմերի ցուցադրություններ, Ցեղասպանության զոհ դարձած հայ գործիչներին նվիրված «Հիշատակի ղողանջներ» խորագրով գրական-երաժշտական միջոցառումներ, որոնց մասին ավելի ստույգ կտեղեկացնենք առաջիկայում:
Պատմությունը ցույց է տվել, որ հայի ուժը միասնության մեջ է, բոլորիս ցանկությունը մեկն է` ոճիրի հատուցում: Հիշենք և պահանջենք միասին` ամբողջ քաղաքով, ամբողջ ազգով, քանզի մենք մի բռունցք ենք, մի ամրոց, մի եկեղեցի, մի դրոշ և մենք միասին կհաղթենք այն պատերազմում, որ 100 տարի առաջ տանուլ տվեցինք, որովհետև չդատապարտված և անպատիժ մնացած Ցեղասպանությունները ծնում են նոր Ցեղասապանություններ:


ԱՇԽԱՏԱԺՈՂՈՎ «ՔԱՂԱՔԱՅԻՆ ԴԻՄԱԿԱՅՈՒՆՈՒԹՅՈՒՆ-ՍՏԵՓԱՆԱՎԱՆ ՔԱՂԱՔԻ
ՓՈՐՁԻ ՈՒՍՈՒՑԱՆՈՒՄ» ԹԵՄԱՅՈՎ

Մարտի 25-26-ը Գյուլագարակի «Սոճուտ» հանգստյան համալիրի նիստերի դահլիճում կայացավ «Քաղաքային դիմակայունություն-Ստեփանավան քաղաքի փորձի ուսուցանում» թեմայով աշխատաժողով, որին մասնակցում էին «Դարձնենք քաղաքները դիմակայուն. իմ քաղաքը պատրաստվում է» ծրագրին մասնակից տարբեր շահագրգիռ կողմեր: Աշխատաժողովը Աղետների ռիսկի նվազեցման (ԱՌՆ) ազգային պլատֆորմի շրջանակներում նախաձեռնել էր Վորլդ Վիժնի Հայաստանը` որպես ծրագրի գործընկեր կողմ` Ստեփանավանի քաղաքապետարանի և ՀՀ Տարածքային կառավարման և արտակարգ իրավիճակների նախարարության (ՏԿԱԻՆ) հետ համատեղ, որպեսզի արձանագրի իր նպաստը ծրագրում և մշակի առաջարկություններ` Վորլդ Վիժնի այլ գրասենյակների` «Իմ քաղաքը պատրաստվում է»գլոբալ ծրագրին ապագայում մասնակցության համար:

Կարդալ ավելին



Ստեփանավանի քաղաքապետի այցը Ճապոնիա
Ստեփանավանը ՄԱԿ-ի Աղետների ռիսկի նվազեցման համաշխարհային կոնֆերանսում
ճանաչվել է Քաղաքի «Դերային մոդել»

    Մարտի 14-18-ը Ստեփանավանի քաղաքապետ Միքայել Ղարաքեշիշյանը ՀՀ պատվիրակության կազմում պաշտոնական այցով Ճապոնիայի Սենդայ քաղաքում էր` մասնակցելու ՄԱԿ-ի Աղետների ռիսկերի նվազեցման (ԱՌՆ)3-րդ համաշխարհային կոնֆերանսին: Կոնֆերանսին մասնակցում էին աշխարհի 187 պետությունների պատվիրակություններ` Հյոգոյի գործողությունների ծրագրի (ՀԳԾ) ազգային համակարգողները, ներկայացուցիչներ տարբեր երկրների կառավարություններից, քաղաքացիական հասարակությունից, Կարմիր խաչի և Կարմիր մահիկի միջազգային շարժումից, միջազգային և հասարակական կազմակերպություններից, ԱՌՆ ազգային պլատֆորմներից, գիտական կառույցներից, մասնավոր հատվածից, ինչպես նաև ՄԱԿ-ի համակարգի կազմակերպություններից: ՀՀ ներկայացնող պատվիրակության կազմում էին նաև Հյուգոյի գործողությունների ծրագրի (ՀԳԾ) ազգային համակարգող, ՀՀ Տարածքային կառավարման և արտակարգ իրավիճակների նախարարության (ՏԿԱԻՆ) փրկարար ծառայության տնօրենի տեղակալ Նիկոլայ Գրիգորյանը, Աղետների ռիսկի նվազեցման ազգային պլատֆորմ (ԱՌՆԱՊ) հիմնադրամի տնօրեն Մովսես Պողոսյանը, Հայաստանում ՄԱԿ-ի Զարգացման Ծրագրի (ՄԱԶԾ) ԱՌՆ ծրագրերի համակարգող Արմեն Չիլինգարյանը, ԵԱՀԿ երևանյան գրասենյակի «Շրջակա միջավայր և անվտանգություն» ծրագրի պատասխանատու Էդվարդ Սաֆարյանը և ՄԱԶԾ բնապահպանական կառավարման պորտֆոլիոյի ծրագրի աշխատակից Տաթևիկ Կոլոյանը:

Ստեփանավանի քաղաքապետի ելույթը Մակ-ի կոնֆերանսում

Կարդալ ավելին



ԵՐԻՏԱՍԱՐԴԱԿԱՆ ՄԱՅՐԱՔԱՂԱՔ ՍՏԵՓԱՆԱՎԱՆՈՒՄ ՔՆՆԱՐԿԵԼ ԵՆ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՀԱՍԱՐԱԿԱԿԱՆ-ՔԱՂԱՔԱԿԱՆ ԳՈՐԾԸՆԹԱՑՆԵՐԻՆ ՄԱՐԶԱՅԻՆ ԵՐԻՏԱՍԱՐԴՈՒԹՅԱՆ ՄԱՍՆԱԿՑՈՒԹՅԱՆ ԱՐԴՅՈՒՆԱՎԵՏ ՄԵԽԱՆԻԶՄՆԵՐԻ ՍՏԵՂԾՄԱՆ» ԾՐԱԳՐԻ ՆԱԽԱԳԻԾԸ

Մարտի 19-ի ՀՀ 2015թ. երիտասարդական մայրաքաղաք Ստեփանավանում տեղի ունեցավ «Հայաստանի Հանրապետության հասարակական-քաղաքական գործընթացներին մարզային երիտասարդության մասնակցության արդյունավետ մեխանիզմների ստեղծման» ծրագրի նախագծի քննարկում: Քննարկմանը մասնակցում էին 50-ից ավելի ակտիվ երիտասարդներ, երիտասարդական-հասարակական կազմակերպությունների ներկայացուցիչներ:

Կարդալ ավելին



ՍՏԵՓԱՆԱՎԱՆԻ ՔԱՂԱՔԱՊԵՏ ՄԻՔԱՅԵԼ ՂԱՐԱՔԵՇԻՇՅԱՆԻ
ՈՒՂԵՐՁԸ ՄԱՅՐՈՒԹՅԱՆ ԵՎ ԳԵՂԵՑԿՈՒԹՅԱՆ ՄԻԱՄՍՅԱԿԻ ԱՌԹԻՎ

   
Հարգարժա՛ն կանայք և աղջիկներ

Ջերմորեն շնորհավորում եմ կանանց միջազգային օրվա` մարտի 8-ի առթիվ: Գարնանային այս տոնը թող կյանքը լցնի նոր բերկրանքով ու քնքշությամբ, գարնանային ջերմությամբ և անսպառ սիրով:









ՏԵՂԻ ՈՒՆԵՑԱՎ ՀՀ 2015Թ. ԵՐԻՏԱՍԱՐԴԱԿԱՆ ՄԱՅՐԱՔԱՂԱՔ ՍՏԵՓԱՆԱՎԱՆԻ
ՊԱՇՏՈՆԱԿԱՆ ԲԱՑՈՒՄՆ ՈՒ ՎԿԱՅԱԳՐԻ ՀԱՆՁՆՈՒՄԸ

Փետրվարի 25-ին տեղի ունեցավ ՀՀ 2015թ. երիտասարդական մայրաքաղաք ճանաչված Ստեփանավանի պաշտոնական բացման հանդիսավոր արարողությունը: Այդ առթիվ Ստեփանավան էին ժամանել հյուրեր ՀՀ սպորտի և երիտասարդության հարցերի նախարարությունից, նախարարության համակարգի Երիտասարդական միջոցառումների իրականացման կենտրոն ՊՈԱԿ-ից, Լոռու մարզպետարանից, ՀՀ առաջին երիտասարդական մայրաքաղաք Սիսիանից, ինչպես նաև երիտասարդներ ՀՀ տարբեր համայնքներից, ովքեր եղել են նաև Տարվա երիտասարդական մայրաքաղաք մրցույթի հանձնաժողովի փորձագետների կազմում:

Կարդալ ավելին






ՍՏԵՓԱՆԱՎԱՆԻ ՔԱՂԱՔԱՊԵՏ ՄԻՔԱՅԵԼ ՂԱՐԱՔԵՇԻՇՅԱՆԻ ՈՒՂԵՐՁԸ ՆՈՐ ՏԱՐՎԱ ԱՌԹԻՎ




«Մենք ու մեր Մոլորակը» գրքույկների շնորհանդես Ստեփանավանում

Ստեփանավանի Օրհուս կենտրոնը, համատեղ «Խազեր» էկոլոգամշակութային ՀԿ-ն, ՏԻՄ հետ համագործակցությամբ դեկտեմբերի 19-ին Ստեփանավանի քաղաքապետարանում կազմակերպեց հանդիպում քաղաքի և գյուղական համայնքների կրթական օջախների ներկայացուցիչների հետ: Հանդիպման նպատակը «Մենք ու մեր Մոլորակը» վերահրատարակված գրքույկները, դրանցում զետեղված տեղեկատվության օգտագործման ու տարածման անհրաժեշտությունը ներկայացնելն էր:
Միջոցառումը տեղի ունեցավ «Քաղաքացիական հասարակության էկոլոգիական իրազեկության բարձրացումը Հայաստանի մարզերում «Մենք ու մեր Մոլորակը» վերահրատարակված գրքույկների միջոցով» ծրագրի շրջանակում, որն իրականություն է դարձել ՀՀ Նախագահի գործընկեր կազմակերպության` Հայաստանի երիտասարդական հիմնադրամի տրամադրած դրամաշնորհի միջոցով:
«Խազեր» ՀԿ նախագահ Ա. Համբարձումյանը դասընթաց-շնորհանդեսի միջոցով ներկայացրեց գրքույկները: Դրանք վերաբերվում են բնապահպանական գրեթե բոլոր հիմնախնդիրներին՝ բնության դեմ առաջին դավադրությունից մինչև կլիմայի փոփոխություն:
Մասնակցում էին Ստեփանավանի և մոտակա գյուղական համայնքների դպրոցների մանկավարժներ, Ճգնաժամային կառավարման համալսարանի, Գյուղատնտեսական քոլեջի, մանկապարտեզների աշխատակիցներ, ՀԿ-ների, գրադարանների և երիտասարդական ակտիվ խմբերի ներկայացուցիչներ: Հանդիպումը անցավ հետաքրքիր և ջերմ մթնոլորտում: Գրքույկները տրամադրվեցին միջոցառման բոլոր 35 մասնակիցներին և Օրհուս կենտրոնին: Բացի գրքույկներից մասնակիցները ձեռքբերեցին նաև բնապահպանական ոլորտի վերաբերյալ նոր գիտելիքներ, ստացան իրենց հուզող հարցերի պատասխանները, ինչի համար Ստեփանավան համայնքի ղեկավարի աշխատակազմի Կրթության բաժնի ղեկավարը դասընթացի բոլոր մասնակիցների անունից շնորհակալություն հայտնեց Ա. Համբարցումյանին՝ համոզմունք հայտնելով, որ գրքույկներ ստացողները հաճույքով կկիրառեն դրանք իրենց աշխատանքում:


ՍՈՍ ՍԱՐԳՍՅԱՆՆ ԱՅՍՈՒՀԵՏ ՀԱՎԵՐԺ ԿԼԻՆԻ ԻՐ ՄԱՆԿՈՒԹՅԱՆ ԱՅԳՈՒՄ
ՀՀ ՎԱՐՉԱՊԵՏԻ ՄԱՍՆԱԿՑՈՒԹՅԱՄԲ ՍՏԵՓԱՆԱՎԱՆՈՒՄ ԲԱՑՎԵՑ ԽՍՀՄ ԺՈՂՈՎՐԴԱԿԱՆ ԱՐՏԻՍՏ
ՍՈՍ ՍԱՐԳՍՅԱՆԻ ԱՌԱՋԻՆ ԱՐՁԱՆԸ

Հոկտեմբերի 26-ին Ստեփանավանի քաղաքային այգում տեղի ունեցավ հայ մեծ դերասան, ԽՍՀՄ ժողովրդական արտիստ, «Մեսրոպ Մաշտոց» շքանշանակիր, ծնունդով ստեփանավանցի և Ստեփանավանի պատվավոր քաղաքացի Սոս Սարգսյանի առաջին արձանի բացումը: Վարպետի արձանի բացման հանդիսավոր արարողութանը ներկա էին Հայաստանի Հանրապետության վարչապետ Հովիկ Աբրահամյանը, Լոռու մարզպետ Արթուր Նալբանդյանը, Գուգարաց թեմի առաջնորդ գերաշնորհ տեր Սեպուհ արքեպիսկոպոս Չուլջյանը, Հայաստանի Հանրապետության կառավարության անդամաներ, Ազգային ժողովի պատգամավորներ, հանրապետության տարբեր համայքների ղեկավարներ, արվեստագետներ, դերասաններ, թատերական աշխարհի կարկառուն ներկայացուցիչներ, Սոս Սարգսյանի կինը և հարազատները, մտավորականներ, Վարպետի երկրպագուներ, պարզապես մարդիկ, որոնց համար Սոս Սարգսյանը եղել և մնում է 20-րդ դարի հայ իրականության կենդանի լեգենդն ու համազգային սերը:

Կարդալ ավելին



ՄԻՋՄԱՐԶԱՅԻՆ ԵՐԻՏԱՍԱՐԴԱԿԱՆ ՓԱՌԱՏՈՆ ՀԱՅԱՍՏԱՆԻ 2015Թ. ԵՐԻՏԱՍԱՐԴԱԿԱՆ
ՄԱՅՐԱՔԱՂԱՔ ՍՏԵՓԱՆԱՎԱՆՈՒՄ

Հոկտեմբերի 25-ին Ստեփանավանի մշակույթի պալատում մեկնարկեց «Միջմարզային երիտասարդական փառատոնը», որը նախաձեռնել և կազմակերպել էր «Լոռու երիտասարդ սերունդ» հասարակական կազմակերպությունը` «Տաշիր» բարեգործական հիմնադրամի աջակցությամբ: Կազմակերպիչների մեջ էր նաև Ստեփանավանի քաղաքապետարանը: Նախորդ տարի փառատոնը կայացել էր մարզկենտրոն Վանաձորում, և մասնակցում էին միայն Լոռու մարզի երիտասարդներ: Այս տարի փառատոնն ընդլայնել էր աշխարհագրությունը` ընդգրկելով շուրջ 70 մասնակիցներ Հայաստանի Հանրապետության բոլոր մարզերից ու Լեռնային Ղարաբաղի Հանրապետությունից: Իսկ անցկացման վայրի ընտրությունը պայմանավորված էր Ստեփանավանի` Հայաստանի 2015թ.-ի երիտասարդական մայրաքաղաք ճանաչվելու հանգամանքով: Մասնակիցներն ընտրվել էին ՀՀ մարզպետարանների և ԼՂՀ մշակույթի նախարարության կողմից:

Կարդալ ավելին



ՍՏԵՓԱՆԱՎԱՆ-ԴԵՍԻՆ ՔՈՒՅՐ ՔԱՂԱՔՆԵՐԻ 23-ԱՄՅԱ ԲԱՐԵԿԱՄՈՒԹՅՈՒՆԸ
ԶԱՐԳԱՑՄԱՆ ՆՈՐ ՓՈՒԼ Է ԹԵՎԱԿՈԽՈՒՄ

   
Հոկտեմբերի 11-13-ը Ստեփանավանում էր Ֆրանսիայի Դեսին քաղաքի պատվիրակությունը` Դեսինի նորընտիր քաղաքապետ տիկին Լորանս Ֆոտրայի գլխավորությամբ: Պատվիրակության կազմում էին նաև ֆրանսահայեր Դեսինի փոխքաղաքապետ Դենիս Ջորկաևը և Ստեփանավան-Դեսին զուգորդության կոմիտեի դեսինյան նախագահ Աննա Ջամբոն: Պատվիրակությունը նախ այցելեց Ստեփանավանի քաղաքապետարան, ծանոթացավ քույր քաղաքի տեղական ինքնակառավարման մարմնի կառուցվածքին և գործունեությանը, ապա այցելեց քաղաքի` ֆրանսերեն լեզու ուսումնասիրող թիվ 3 հիմնական դպրոց, որը «Գրեֆ» կրթական ծրագրի շրջանակներում համագործակցում է Դեսինի դպրոցների հետ: Դպրոցի փոքրիները ֆրանսերենով ողջունեցին հյուրերին և ուղեկցեցին ֆրանսերեն լեզվի դասասենյակ` մասնակցելու ֆրանսերենի դասին: Դասի ավարտից հետո հյուրերը շրջեցին դպրոցում, որտեղ ամեն մի անկյուն հիշեցնում է Դեսին-Ստեփանավան համագործակցության մասին, ապա դիտեցին Ֆրանսիայի կոլորիտը ներկայացնող երկլեզու փոքրիկ ներկայացում` դպրոցի աշակերտների մասնակցությամբ:

Կարդալ ավելին



ԳՐԱԴԱՐԱՆԱՎԱՐԻ ՕՐԸ ՍՏԵՓԱՆԱՎԱՆՈՒՄ ՆՇԱՆԱՎՈՐՎԵՑ ՀԱՄՈ ՍԱՀՅԱՆԻ
ԾՆՆԴՅԱՆ 100-ԱՄՅԱԿԻՆ ՆՎԻՐՎԱԾ ԵՐԵԿՈՒՅԹՈՎ

   
Հանդիպման վայրը կրկին գրադարան էր: Հոկտեմբերի 7-ին Ստեփանավանի կենտրոնական գրադարանի հյուրընկալ հարկի տակ հավաքվել էին գրադարանի ամենամտերիմ բարեկամներն ու հավատարիմ ընթերցողները` շնորհավորելու գրադարանի աշխատակիցներին մասնագիտական տոնի` Գրադրանավարի օրվա առթիվ և մեկ անգամ ևս արժևորելու գրքի դերն ու գրադարանավարի գործի կարևորությունը: Օրվա առթիվ շնորհավորանքի ուղերձ էր հղել նաև Ստեփանավանի քաղաքապետ Միքայել Ղարաքեշիշյանը: Գրադարանի աշխատակիցներն էլ մասնագիտական տոնի առթիվ հերթական գեղեցիկ միջոցառում էին պատրաստել հյուրերի համար` այս անգամ նվիրված Համո Սահյանի ծննդյան 100-ամյակին:

Կարդալ ավելին



ՈՒՍՈՒՑՉԻ ՕՐՎԱՆ ՆՎԻՐՎԱԾ ՄԻՋՈՑԱՌՈՒՄՆԵՐ ՍՏԵՓԱՆԱՎԱՆՈՒՄ
Աշխարհում բոլոր լուսավոր մարդկանց ուսուցիչ անունն են տվել

   
Հոկտեմբերի 6-ին Ուսուցչի տոնի առթիվ Ստեփանավանի քաղաքապետարանի դահլիճում կազմակերպվել էր փոքրիկ միջոցառում Ստեփանավանի և տարածաշրջանի` այս տարի վաստակած հանգստի անցած ուսուցիչների համար: Միջոցառումը նախաձեռնել էր ՀՀԿ Ստեփանավանի տարածաշրջանի կանանց խորհրուրդը` Ստեփանավանի քաղաքապետարանի և քաղաքապետին կից կանանց խորհրդի հետ համատեղ, որի ընթացքում գնահատանքի և փոքրիկ նվերների արժանացան միջոցառմանը ներկա վաստակաշատ մանկավարժները:

Կարդալ ավելին



ՀՀ ՍՊՈՐՏԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐԻ
ԱՅՑԸ ՍՏԵՓԱՆԱՎԱՆԻ ՄԱՐԶԱԴՊՐՈՑ

Սեպտեմբերի 8-ին աշխատանքային այցով Ստեփանավանում էր ՀՀ սպորտի և երիտասարդության հարցերի նախարար Գաբրիել Ղազարյանը, ով այցելեց Ստեփանավանի մարզադապրոց: Այցի նպատակն էր ծանոթանալ մարզադպրոցի պայմաններին, առկա խնդիրներին` Ստեփանավանում սպորտի զարգացումն ու մասսայականացումը խթանալելու նպատակով: Նախքան Ստեփանավան այցելելը նախարարարը եղել էր մարզի այլ համայնքների մարզադպրոցներում ևս:

Կարդալ ավելին



ԿԱՅԱՑԱՎ ՍՏԵՓԱՆԱՎԱՆ ՀԱՄԱՅՆՔԻ ԱՎԱԳՆՈՒ ՀԵՐԹԱԿԱՆ ՆԻՍՏԸ

Սեպտեմբերի 4-ին կայացավ Ստեփանավան համայնքի ավագանու հերթական նիստը, որին ներկա էին ավագանու 15 անդամներից 10-ը: Նիստը վարում էր քաղաքապետ Միքայել Ղարաքեշիշյանը: Ավագանին նախ հաստատեց օրակարգը, ապա անցավ հարցերի քննարկմանը:
Ֆինանսական բաժնի պետ Թամարա Ղարիբյանը ներկայացրեց, որ անհրաժեշտ է փոփոխություններ կատարել Ստեփանավան համայնքի 2014թ. բյուջեում` կապված Հայաստանի Հանրապետության կառավարության 2014թ. հուլիսի 31-ի N 792-Ն որոշման հետ, ըստ որի Հայաստանի Հանրապետության համայնքային բյուջետային հիմնարկներում և համայնքի բյուջեից ֆինանսավորվող ՀՈԱԿ-ներում 1974թ.-ից հետո ծնված, նվազագույն աշխատավարձ ստացող աշխատողների նպատակային սոցիալական վճարների փոխհատուցման համար ՀՀ մարզպետարաններին և ՀՀ տարածքային կառավարման նախարարությանը հատկացվելու է գումար: Ղեկավարվելով «ՀՀ բյուջետային համակարգի մասին» օրենքի 31, 32 հոդվածներով, «Տեղական ինքնակառավարման մասին» ՀՀ օրենքի 16-րդ հոդվածի 3-րդ կետով` ավագանին հաստատեց Ստեփանավան համայնքի 2014թ. ճշտված բյուջեն, որը կազմում է 343747.911 հազ. դրամ, որից 339521.595 հազ. դրամը` վարչական բյուջեի գծով, 4226.316 հազ. դրամը` ֆոնդային բյուջեի գծով:

Կարդալ ավելին



ՍՏԵՓԱՆԱՎԱՆԸ ՃԱՆԱՉՎԵՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2015Թ. ԵՐԻՏԱՍԱՐԴԱԿԱՆ ՄԱՅՐԱՔԱՂԱՔ
Անցած ուղին` մտահղացումից մինչև հաղթանակ

   

Սեպտեմբերի 2-ին ՀՀ սպորտի և երիտասարդության հարցերի նախարարությունում տեղի ունեցած «ՀՀ տարվա երիտասարդական մայրաքաղաք մրցույթի» կազմկոմիտեի ամփոփիչ բաց նիստում Լոռու մարզի Ստեփանավան քաղաքը ճանաչվեց Հայաստանի Հանրապետության 2015թ. երիտասարդական մայրաքաղաք` շուրջ 3 ամիս տևած պայքարի արդյունքում:
«Երիտասարդությունը ուժ է, մենք հավատում ենք մեր հաղթանակին»: Հենց այս կարգախոսով ու իրենց ուժերին հավատալով` Ստեփանավանի երիտասարդությունը դեռ մայիս ամսին որոշեց մասնակցել ՀՀ սպորտի և երիտասարդության հարցերի նախարարության հայտարարած «Տարվա երիտասարդական մայրաքաղաք» մրցույթին: Ստեփանավանը տարվա երիտասարդական մայրաքաղաք դարձնելու գաղափարով ոգևորված` Ստեփանավանի քաղաքապետին կից գործող երիտասարդկան խորհրդի շուրջ համախմբվեցին քաղաքի ակտիվ երիտասարդները, երիտասարդական, հասարակական ու կրթամշակութային կազմակերպությունները, ձևավորվեց երիտասարդական թիմ, որն էլ ձեռնամուխ եղավ ծրագրի իրականցմանը: Մրցույթի պահանջներին համապատասխան մշակվեց ծրագրի մասնակցության հայտը և անհրաժեշտ փաստաթղթերի փաթեթը` ներառելով երեք մակարդակի ծրագրեր` քաղաքային, մարզային և հանրապետական մասշտաբի:

Կարդալ ավելին






ՍՏԵՓԱՆԱՎԱՆԻ ՔԱՂԱՔԱՊԵՏ ՄԻՔԱՅԵԼ ՂԱՐԱՔԵՇԻՇՅԱՆԻ ՈՒՂԵՐՁԸ ԳԻՏԵԼԻՔԻ ՕՐՎԱ ԱՌԹԻՎ




ՈւՇԱԴՐՈՒԹՅՈՒՆ, ՍՏԵՓԱՆԱՎԱՆԸ ՄԱՍՆԱԿՑՈՒՄ Է «ՀՀ ՏԱՐՎԱ ԵՐԻՏԱՍԱՐԴԱԿԱՆ ՄԱՅՐԱՔԱՂԱՔ» ՄՐՑՈՒՅԹԻՆ:
ՄՐՑՈՒՅԹԻ ՓՈՐՁԱԳԵՏՆԵՐԻ ԳՆԱՀԱՏԱԿԱՆԻՑ ԲԱՑԻ ԿԱՐԵՎՈՐ Է ՆԱԵՎ ԱՌՑԱՆՑ ՔՎԵԱՐԿՈՒԹՅԱՆ ԱՐԴՅՈՒՆՔԸ:
ՍՏԵՓԱՆԱՎԱՆԻ ՕԳՏԻՆ ԿԱՐՈՂ ԵՔ ՔՎԵԱՐԿԵԼ www.erit.am ԿԱՅՔՈՒՄ
   











-->

ԿԱՏԱՐՎԵՑ ՍՏԵՓԱՆԱՎԱՆՈՒՄ ԿԱՌՈՒՑՎՈՂ ՍՈՒՐԲ ԱՍՏՎԱԾԱԾԻՆ ԵԿԵՂԵՑՈՒ ՀԻՄՆԱՐԿԵՔԸ

   
Հուլիսի 19-ին Ստեփանավանում տոն էր, հոգևոր ցնծություն, պատմական օր: Ստեփանավանի հավատավոր ժողովրդի, Լոռու մարզպետ Արթուր Նլաբանդյանի, մարզային իշխանությունների ներկայացուցիչների, Ստեփանավանի քաղաքապետ Միքայել Ղարաքեշիշյանի, Հայաստանի տարբեր վայրերից ու արտերկրից Ստեփանավան ժամանած հյուրերի ներկայությամբ Գուգարաց թեմի առաջնորդ գերաշնորհ տեր Սեպուհ արքեպիսկոպոս Չուլջյանը Գուգարաց թեմի հոգևոր դասի մասնակցությամբ կատարեց Ստեփանավանում կառուցվող Սուրբ Աստավածածին եկեղեցու հիմնարկեքի (հիմքօրհնեքի) արարողություն:

Կարդալ ավելին



ՍՏԵՓԱՆԱՎԱՆԻ ՔԱՂԱՔԱՊԵՏԸ ՃԱՆԱՉՎԵԼ Է ՏԱՐՎԱ ԼԱՎԱԳՈՒՅՆ ՔԱՂԱՔԱՊԵՏ

   
Ստեփանավանի քաղաքապետ Միքայել Ղարաքեշիշյանը ճանաչվել է «Տարվա լավագույն քաղաքապետ»` ըստ «Պառլամենտ» հասարակական-քաղաքական ամսագրի կատարած սոցհարցումների արդյունքների: Մրցանակը Ստեփանավանի քաղաքապետին է տրվել հուլիսի 14-ին` «Պառլամենտ» ամսագրի 4-րդ տարեդարձի տոնակատարության ժամանակ: Այն Ստեփանավանի քաղաքապետին շնորհելու համար հիմք է հանդիսացել նաև 2013թ. հուլիսից 2014թ. հուլիս ամիսն ընկած ժամանակահատվածում Ստեփանավան քաղաքում կատարված և «Պառլամենտ»-ի %D

Created by Mariam Movsisyan

ՍՏԵՓԱՆԱՎԱՆԻ ՔԱՂԱՔԱՊԵՏԱՐԱՆԻ ՊԱՇՏՈՆԱԿԱՆ ԿԱՅՔ
2010